Sahan media Muqdisho: New Zealand waxa ay ugu deeqaysaa NZ$7 milyan si ay u taageerto bulshooyinka ay saamaysay cunto yari ba’an iyo baahiyaha kale ee bini’aadantinimo ee degdega ah ee ka jira Itoobiya iyo Soomaaliya, wasiirka arrimaha dibadda Winston Peters ayaa maanta sheegay. ayuu yidhi.
“In ka badan 21 milyan oo qof ayaa u baahan gargaar bini’aadantinimo guud ahaan Itoobiya, iyadoo 6.9 milyan oo kale ay ku sugan yihiin Soomaaliya. ayuu yiri Mr Peters.
Si loo caawiyo daboolida baahiyaha degdega ah New Zealand waxay iskaashi la samaynaysaa Guddiga Caalamiga ah ee Laanqeyrta Cas (ICRC), Sanduuqa Qaramada Midoobay ee Bani’aadamnimada ee Itoobiya, Soomaaliya iyo NGO-yada New Zealand ee hoos yimaada Iskaashiga Waxqabadka Musiibada New Zealand.
“Deeqda aan siinayno ICRC-da waxay taageeri doontaa bixinta taageerada daryeelka caafimaadka, cuntada iyo sahayda muhiimka ah ee Itoobiya iyo Soomaaliya.
“La-hawlgalayaasha NGO-yada ee fadhigoodu yahay New Zealand waxay la shaqayn doonaan la-hawlgalayaashooda maxalliga ah si ay uga jawaabaan cunto-yarida ba’an ee labada waddan. Sanduuqa Bani’aadantinimada Itoobiya waxa uu bixinayaa ilaalin iyo kaalmo balaadhan si loo daboolo baahiyaha mudnaanta leh ee Itoobiya,” ayuu yidhi Mr Peters.
